إزاي بتتفصّل القطعة في يوميا

كل قطعة في يوميا بتتفصّل مخصوص ليكي. دي الخطوات من أول الاختيار لحد ما القطعة توصلك.

1. اختاري قطعتك. اختاري اللون والمقاس. بنفصّل أي مقاس، فلو مقاسك مش موجود ابعتي طولك ووزنك ونفصّلها على مقاسك.
2. ابعتي الطلب. اسمك ورقم واتساب بس. إرسال الطلب مبيلزمكيش بالدفع.
3. بنأكد معاكي. بنراجع معاكي على واتساب القماش واللون والتفاصيل والمقاس والسعر النهائي قبل ما نبدأ أي غرزة. الدفع بعد كده بفودافون كاش أو InstaPay.
4. التنفيذ والشحن. القطعة بتتنفّذ وبعدين بتتشحن ليكي، وبنبلّغك بكل خطوة.

لو القطعة وصلتك فيها مشكلة

القطع المفصّلة مبتتبدّلش ومبتتسترجعش بعد التنفيذ، لأنها بتتنفّذ على مقاسك. ولو وصلتك فيها عيب أو تلف، أو مختلفة عن اللي اتفقنا عليه، كلّمينا على واتساب خلال 3 أيام من الاستلام مع صور، وهنحلّها معاكي.

قطع محدودة

القطع بتتعمل بكميات قليلة. لو القطعة اللي عجبتك خلصت، تقدري تطلبي تصميم خاص على واتساب.